旅遊攻略－台北（美食篇）
麻辣火鍋係台灣都幾出名，所以好多人去台北旅行都會去食麻辣火鍋。好多人都會選擇吃到飽，貪佢幾百蚊台幣就可以任食麻辣火鍋，但係任食既餐廳食物質素都未必係咁好！有要求既你，不如去我地介紹既呢間餐廳 - 太和殿試下啦！
呢間餐廳係逐款叫，款式唔算特別多，而湯底亦只有5款選擇，不過，好食既，夠哂啦！我個人就建議大家選擇麻辣清湯既鴛鴦鍋，因為兩款湯底都非常好！麻辣湯底麻得黎有小小辣，香得黎唔會俾辣味搶哂風頭，而清湯都算清甜，唔會好味精！當湯開始乾，服務員會幫你加返同一款湯，咁就唔怕越食越淡啦！不過麻辣湯底會越食越咸，咁就記住同服務員講，佢地會幫你加另一款湯，咁就唔怕太重味啦！
相比香港嘅火鍋，呢間麻辣火鍋就無香港咁多海鮮嘅選擇，而主要提供豬肉牛肉，甚至係丸類嘅物體，不過質素真係可以咖！我特別推介雪花豬肉！雪花肥牛你就試得多，雪花豬肉你又試過未呢？由於佢油脂分佈非常平均，所以就算焯左好耐都唔會好乾！
另外個油條都一定要試！呢度既油條係偏硬，但係旅落麻辣湯底煮吸哂麻辣味真係好爽！提提你，個油條放落湯度煮大約30秒就食，就最完美！
餐廳提供既菜都係好正！餐廳標榜選用會呼吸嘅活菜，潔淨無毒，食落又真係幾甜！呢個時候就係清湯底大派用場既時候喇！因為咁先食得出菜既清甜！
餐廳既人均消費係700TWD, 絕對係唔貴咖！想試記住去訂位呀！
太和殿
台北市信義路4段315號
+886 2-27050909
Search